முகப்பு சினிமா `இந்தியாவில் 8 நாளில் 10,000 பேர்..!’- மாநில முதல்வர்களுடன் ஆலோசனை நடத்தும் பிரதமர் மோடி #Corona

`இந்தியாவில் 8 நாளில் 10,000 பேர்..!’- மாநில முதல்வர்களுடன் ஆலோசனை நடத்தும் பிரதமர் மோடி #Corona

இந்தியாவில் கொரோனாவால் பாதிக்கப்பட்டவர்களின் எண்ணிக்கை இன்று 20,000 -ஐ கடந்தது. இன்று, புதன்கிழமை மத்திய சுகாதாரத்துறையின் அறிவிப்பின்படி, இந்தியாவில் 20,471 பேர் கொரோனாவால் பாதிக்கப்பட்டுள்ளனர். கொரோனாவால் பலியானவர்களின் எண்ணிக்கை 652 ஆக உயர்ந்துள்ளது. தற்போது வரையில் 15,859 பேர் மருத்துவமனையில் சிகிச்சை பெற்று வருகிறார்கள். 3,959 பேர் குணமைடைந்து வீடு திரும்பியுள்ளனர்.

இந்தியாவில் கொரோனா

ஏப்ரல் 14-ம் தேதி இந்தியாவில் கொரோனாவால் பாதிக்கப்பட்டவர்களின் எண்ணிக்கை 10,000 -ஐ தொட்டது. அந்த கணக்கின்படி, 8 நாள்களில் 10,000 பேர் புதிதாக கொரோனாவால் பாதிக்கப்பட்டுள்ளனர். இந்தியாவில் மகாராஷ்டிரா மாநிலம்தான் கொரோனாவால் கடுமையாகப் பாதிக்கப்பட்டுள்ளது. தற்போது வரை 6,191 பேர் பாதிக்கப்பட்டுள்ளனர். குஜராத், டெல்லி ஆகிய மாநிலங்கள் அடுத்த இடங்களில் இருக்கிறது.

இந்த நிலையில், இன்று மத்திய அமைச்சரவைக் கூட்டம் பிரதமர் மோடி தலைமையில் நடைபெற்றது. கொரோனா தடுப்புப் பணியில் முன்னின்று போராடுபவர்கள் மருத்துவர்கள், மருத்துவப் பணியாளர்கள். நாட்டில் சில பகுதிகளில் மருத்துவர்கள் மீதும் சுகாதாரப் பணியாளர்கள் மீதும் தாக்குதல் சம்பவங்கள் நடந்தன. இந்த நிலையில், கொரோனா தடுப்புப் பணியில் இருக்கும் மருத்துவர்களைக் காக்க, மத்திய அரசு அவசரச் சட்டம் கொண்டு வர மத்திய அமைச்சரவை ஒப்புதல் வழங்கியுள்ளது. அதன்படி மருத்துவர்களைத் தாக்கினால் 7 ஆண்டுகள் வரை சிறைத் தண்டனை வழங்கப்படும் என மத்திய அமைச்சர் பிரகாஷ் ஜவடேகர் தெரிவித்திருக்கிறார். மேலும், மருத்துவர்கள் மீதான வன்முறை எந்த வகையில் இருந்தாலும் அரசு பொறுத்துக்கொள்ளாது என்றும், இந்தக் குற்றத்தில் கைது செய்யப்படுபவர்களுக்கு ஜாமீன் கிடையாது எனவும் 30 நாள்களில் விசாரணை நடத்தி முடிக்கப்படும் எனவும் தெரிவித்தார். மருத்துவர்கள், மருத்துவப் பணியாளர்கள் மீதான தாக்குதல் கண்டிக்கத்தக்கது எனத் தெரிவித்த அவர், குடியரசுத் தலைவர் ஒப்புதலுக்குப் பின் இந்தச் சட்டம் அமலுக்கு வரும் என்றார்.

மோடி

இந்த நிலையில், வரும் திங்கள்கிழமை அன்று பிரதமர் மோடி மீண்டும் அனைத்து மாநில முதல்வர்களுடன் வீடியோ கான்ஃபரன்ஸிங்கில் ஆலோசனை நடத்த இருக்கிறார். ஊரடங்கு மே மாதம் 3-ம் தேதி வரையில் நீட்டிக்கப்பட்ட பின்னர் முதல்முறையாக பிரதமர் மோடி, முதல்வர்களுடன் ஆலோசனை நடத்த உள்ளார். அடுத்த வாரத்தின் இறுதியில் நீட்டிக்கப்பட்ட ஊரடங்கு கட்டுப்பாடுகள் முடிவுக்கு வரவுள்ள நிலையில் மீண்டும் ஊரடங்கு நீட்டிப்பு தொடர்பாக இந்தக் கூட்டத்தில் ஆலோசனைகள் நடத்தப்படும் எனத் தெரிகிறது. இந்தியாவில் கொரோனாவால் பாதிக்கப்பட்டவர்களின் எண்ணிக்கை 20,000 -ஐ கடந்திருக்கும் இந்தச் சூழலில், முதல்வர்களுடன் மீண்டும் பிரதமர் ஆலோசனை நடத்தவுள்ளது பொதுமக்கள், தொழில் நிறுவனங்கள், புலம்பெயர்ந்த தொழிலாளர்கள், கார்ப்பரேட் நிறுவனங்கள் என அனைத்து தரப்பினர் மத்தியிலும் ஒரு எதிர்பார்ப்பை ஏற்படுத்தியுள்ளது.

Must Read

கொரோனா : சென்னை அண்ணா நகர்வாசிகளுக்கு ‘பேட் நியூஸ்’

கொரோனா வைரஸ் பரவல் தடுப்பு நடவடிக்கையாக, நாடு முழுவதும் நான்காம்கட்ட பொதுமுடக்கம் அமல்படுத்தப்பட்டுள்ளது. மே 31 ஆம் தேதியுடன் பொதுமுடக்கம் முடிவுக்கு வரவுள்ளது. இருப்பினும், தமிழகத்தில் கொரோனா வைரசின் தாக்கம் குறைந்தபாடில்லை. இன்றைய நிலவரப்படி,...

வெட்டுக்கிளி கதையை முடிக்க ட்ரோன் அட்டாக்!

வெட்டுக்கிளிகளைக் கட்டுப்படுத்த முடியாத நிலைக்கு இந்தியா செல்கிறது என செய்திகள் வெளியாகி வரும் சூழலில் ட்ரோன் மூலம் அவற்றைக் கட்டுப்படுத்த புது முயற்சி முன்னெடுக்கப்பட்டுள்ளது. நாட்டில் முதல் முறையாக வெட்டுக்கிளிகள் படையெடுப்பை ஒழிக்க ராஜஸ்தான்...

`சீனாவின் மிகவும் மோசமான பரிசு!’ – கொரோனா விவகாரத்தில் மீண்டும் விமர்சித்த ட்ரம்ப்

கொரோனா வைரஸால் மிகவும் கடுமையாகப் பாதிப்படைந்த நாடுகளில் அமெரிக்கா முதன்மையானது. இதுவரை அங்கு 17.50 லட்சத்துக்கும் அதிகமான மக்கள் வைரஸ் பாதிப்புக்கு ஆளாகி உள்ளனர். ஒரு லட்சத்துக்கும் மேற்பட்ட மக்கள் கொரோனா பாதிப்பால்...

`இப்பதான் எங்களுக்கு நிம்மதி!’ -புதுக்கோட்டையில் கொரோனாவிலிருந்து மீண்ட ஒன்றரை வயது குழந்தை

உலக நாடுகளையே கடும் அச்சுறுத்தலுக்கு ஆளாக்கிய கொரோனா வைரஸ், இந்தியா முழுவதும் வேகமாகப் பரவி வருவதால், மே 31-ம் தேதி வரையிலும் ஊரடங்கு உத்தரவு போடப்பட்டுள்ளது. குறிப்பாக, தமிழகத்தில் கொரோனா தொற்று...

சமந்தாவை சீண்டினாரா பூஜா ஹெக்டே?

சமந்தா குறித்து பூஜா ஹெக்டே இன்ஸ்டாகிராம் பதிவில் வெளியான பதிவு பெரும் சர்ச்சையை உருவாக்கியுள்ளது. தெலுங்கு திரையுலகில் சமந்தா மற்றும் பூஜா ஹெக்டே இருவருமே முன்னணி நாயகிகளாக வலம் வருகிறார்கள். திருமணத்துக்குப் பிறகு கதைக்கு...