முகப்பு செய்திகள் இந்திய செய்திகள் இந்த சேவைகளுக்கு அனுமதி- ஊரடங்கில் சலுகை; கர்நாடகாவில் இன்று முதல் அமலாகிறது!

இந்த சேவைகளுக்கு அனுமதி- ஊரடங்கில் சலுகை; கர்நாடகாவில் இன்று முதல் அமலாகிறது!

நாடு முழுவதும் கோவிட்-19 பாதிப்பு காரணமாக ஊரடங்கு உத்தரவு இரண்டாம் கட்டமாக அமலில் இருக்கிறது. வைரஸ் அதிகளவில் இருக்கும் பகுதிகள் தனிமைப்படுத்தப்பட்ட மண்டலங்களாக அறிவிக்கப்பட்டு கட்டுப்பாடுகள் தீவிரமாக அமல்படுத்தப்பட்டு வருகின்றன. இந்நிலையில் கோவிட்-19 ஹாட்ஸ்பாட்களாக இல்லாத பகுதிகளில் சில கட்டுப்பாடுகள் தளர்த்தப்படுவதாக கர்நாடக அரசு தெரிவித்துள்ளது. அதேசமயம் கல்வி நிறுவனங்கள் தொடர்ந்து மூடப்பட்டிருக்கும். அத்தியாவசியமற்ற பயணங்களுக்கு தடை நீடிக்கும் என்று தெரிவிக்கப்பட்டுள்ளது.

11 மாவட்டங்களில் சார் பதிவாளர் அலுவலகங்கள் திறக்கப்படும். அதிகளவில் மக்கள் கூடும் நிகழ்வுகளுக்கு தடை நீடிக்கிறது. இறுதிச் சடங்குகளில் 20 பேர் மட்டுமே கலந்து கொள்ள வேண்டும். இதுதொடர்பாக தலைமைச் செயலாளர் டிஎம் விஜய் பாஸ்கர் கூறுகையில், ஐடி மற்றும் ஐடி சார்ந்த நிறுவனங்கள் குறைந்தபட்ச ஊழியர்களுடன் செயல்படலாம்.

அத்தியாவசியமாக தேவைப்படும் ஊழியர்களை மட்டும் அலுவலகத்திற்கு வரவழைக்கலாம். இதற்காக பாஸ் வாங்கிக் கொள்ள வேண்டும். மற்றவர்கள் வீட்டிலிருந்து தான் பணியாற்ற வேண்டும். பிளம்பர்கள், எலக்ட்ரீசியன்கள், சுயதொழில் செய்வோர் ஆகியோரும் காவல்துறையிடம் பாஸ் பெற்றுக் கொண்டு பணிக்கு திரும்பலாம். இவர்கள் முகக் கவசங்கள் மற்றும் உரிய பாதுகாப்பு உபகரணங்கள் உடன் பணி செய்ய வேண்டும்.

மற்ற துறைகளில் படிப்படியாக தடை உத்தரவுகள் விலக்கப்படும் என்றார். இதுபற்றி துணை முதலமைச்சர் அஷ்வத் நாராயண் கூறுகையில், கட்டுப்பாடுகள் தளர்த்தப்படுவது பொருளாதாரத்தை படிப்படியாக மீட்டுக் கொண்டு வருவதற்காகத் தான். இதில் நிறைய சவால்கள் இருக்கின்றன. அவற்றை எதிர்கொள்ள தேவையான விஷயங்களை அரசு மேற்கொள்ளும் என்றார்.

அனைத்து நிறுவனங்களும் தங்கள் ஊழியர்களின் வீட்டில் 5 வயது வரை குழந்தைகள் இருந்தாலோ அல்லது 65 வயதுக்கு மேற்பட்டவர்கள் இருந்தாலோ அவர்களை வீட்டில் இருந்து பணிபுரிய அனுமதிக்க வேண்டும். அனைத்து கால்நடை மருத்துவமனைகளும் திறக்க அனுமதி அளிக்கப்பட்டுள்ளது. ஊரடங்கில் சிக்கி தவிப்பவர்களுக்கு வசதியாக ஓட்டல்கள், ஹோம்ஸ்டே, லாட்ஜ் ஆகியவை செயல்படலாம்.

அனுமதி அளிக்கப்பட்டுள்ள பிற சேவைகள்:

* ஓட்டல்களில் பார்சல் சேவை
* விவசாயப் பொருள் உற்பத்தியாளர்களின் விளம்பர பிரிவு
* சிமெண்ட், இரும்பு, டைல்ஸ், செங்கற்கள் உற்பத்தி
* கொரியர் சேவை
* உணவு பதப்படுத்தும் நிறுவனங்கள்
* குளிர்பதன வசதி அளிக்கும் சேவை
* கண்டெய்னர் டிப்போ
* சரக்குகள் சேமித்து வைக்கும் கிடங்குகள், குடோன்கள்

ஆனால் மாவட்டங்கள் மற்றும் மாநிலங்களுக்கு இடையிலான போக்குவரத்திற்கு தொடர்ந்து தடை நீடிக்கும். தேசிய நெடுஞ்சாலைகளில் 20 கி.மீ இடைவெளியுடன் செயல்பட்டு வரும் தாபாக்கள் இயங்கலாம். இதன்மூலம் சரக்கு வாகன ஓட்டுநர்களின் உணவு தேவையை பூர்த்தி செய்யலாம் என்று தெரிவிக்கப்பட்டுள்ளது.

Must Read

கொரோனா : சென்னை அண்ணா நகர்வாசிகளுக்கு ‘பேட் நியூஸ்’

கொரோனா வைரஸ் பரவல் தடுப்பு நடவடிக்கையாக, நாடு முழுவதும் நான்காம்கட்ட பொதுமுடக்கம் அமல்படுத்தப்பட்டுள்ளது. மே 31 ஆம் தேதியுடன் பொதுமுடக்கம் முடிவுக்கு வரவுள்ளது. இருப்பினும், தமிழகத்தில் கொரோனா வைரசின் தாக்கம் குறைந்தபாடில்லை. இன்றைய நிலவரப்படி,...

வெட்டுக்கிளி கதையை முடிக்க ட்ரோன் அட்டாக்!

வெட்டுக்கிளிகளைக் கட்டுப்படுத்த முடியாத நிலைக்கு இந்தியா செல்கிறது என செய்திகள் வெளியாகி வரும் சூழலில் ட்ரோன் மூலம் அவற்றைக் கட்டுப்படுத்த புது முயற்சி முன்னெடுக்கப்பட்டுள்ளது. நாட்டில் முதல் முறையாக வெட்டுக்கிளிகள் படையெடுப்பை ஒழிக்க ராஜஸ்தான்...

`சீனாவின் மிகவும் மோசமான பரிசு!’ – கொரோனா விவகாரத்தில் மீண்டும் விமர்சித்த ட்ரம்ப்

கொரோனா வைரஸால் மிகவும் கடுமையாகப் பாதிப்படைந்த நாடுகளில் அமெரிக்கா முதன்மையானது. இதுவரை அங்கு 17.50 லட்சத்துக்கும் அதிகமான மக்கள் வைரஸ் பாதிப்புக்கு ஆளாகி உள்ளனர். ஒரு லட்சத்துக்கும் மேற்பட்ட மக்கள் கொரோனா பாதிப்பால்...

`இப்பதான் எங்களுக்கு நிம்மதி!’ -புதுக்கோட்டையில் கொரோனாவிலிருந்து மீண்ட ஒன்றரை வயது குழந்தை

உலக நாடுகளையே கடும் அச்சுறுத்தலுக்கு ஆளாக்கிய கொரோனா வைரஸ், இந்தியா முழுவதும் வேகமாகப் பரவி வருவதால், மே 31-ம் தேதி வரையிலும் ஊரடங்கு உத்தரவு போடப்பட்டுள்ளது. குறிப்பாக, தமிழகத்தில் கொரோனா தொற்று...

சமந்தாவை சீண்டினாரா பூஜா ஹெக்டே?

சமந்தா குறித்து பூஜா ஹெக்டே இன்ஸ்டாகிராம் பதிவில் வெளியான பதிவு பெரும் சர்ச்சையை உருவாக்கியுள்ளது. தெலுங்கு திரையுலகில் சமந்தா மற்றும் பூஜா ஹெக்டே இருவருமே முன்னணி நாயகிகளாக வலம் வருகிறார்கள். திருமணத்துக்குப் பிறகு கதைக்கு...