முகப்பு சினிமா நடிகை பூர்ணா மிரட்டப்பட்ட வழக்கு: 30 பெண்கள்; சிக்கிய மேக்அப் மேன்! -வேகமெடுக்கும் விசாரணை

நடிகை பூர்ணா மிரட்டப்பட்ட வழக்கு: 30 பெண்கள்; சிக்கிய மேக்அப் மேன்! -வேகமெடுக்கும் விசாரணை

கேரள மாநிலம் கொச்சி மரட் பகுதியில் வசித்து வரும் நடிகை ஷம்னா காஸிம் தமிழில் பூர்ணா என்ற பெயரில் திரைப்படங்களில் நடித்து வருகிறார். பூர்ணாவின் திருமணம் குறித்துப் பேச வேண்டும் என அவரது பெற்றோரை ஒரு கும்பல் தொடர்புகொண்டது. அவர்கள் தங்கள் வீடு கோழிக்கோடு என்று கூறியதுடன் மாப்பிள்ளை துபாய் உள்ளிட்ட பல பகுதிகளில் நகைக்கடை வைத்துள்ளதாகவும் தெரிவித்துள்ளனர்.

உறவினர் ஒருவர் கூறியதால் அந்தக் கும்பலை பூர்ணாவின் பெற்றோர் நம்பினர். தொலைபேசியில் பேசிக்கொண்டிருந்தவர்கள் பூர்ணாவைப் பெண் பார்க்க அவரது வீட்டுக்கு வருவதாகக் கூறியுள்ளனர். அவர்களின் கனிவான பேச்சை நம்பி வீட்டுக்கு வர சம்மதித்துள்ளனர். வீட்டுக்கு வந்தபிறகு அவர்களின் நடவடிக்கைகளைப் பார்த்து பூர்ணாவுக்குச் சந்தேகம் வந்துள்ளது. இதையடுத்து அவர்கள் கொடுத்த கோழிக்கோடு முகவரியில் விசாரித்தபோது அது போலியானது எனத் தெரியவந்தது.

இதற்கிடையில் ஐதராபாத்தில் இருந்த பூர்ணாவின் மொபைல் எண்ணுக்கு அந்தக் கும்பலைச் சேர்ந்த ஒருவர் போன் செய்து துபாயில் உள்ள பிசினஸ்க்காகப் பத்து லட்சம் ரூபாய் உடனடியாக தேவைப்படுவதாகக் கேட்டுள்ளார். அந்த நபர் மீது சந்தேகமடைந்த பூர்ணா பெற்றோரிடம் கேட்டுவிட்டுத் தருவதாகக் கூறியுள்ளார். அவசரம் என்பதால் பெற்றோரிடம் கேட்கவேண்டாம் உடனடியாகப் பணம் வேண்டும் எனக் கேட்டுள்ளார். சந்தேகம் வலுத்ததால் போன் செய்தது யார் என்று அறிய வீடியோ கால் செய்யும்படி பூர்ணா கூறியுள்ளார். அடுத்த நொடி போனை கட்டாக்கிய அவர் உடனே சுவிட்ச் ஆஃப் செய்துவிட்டார். பின்னர் அந்தக் கும்பல் பூர்ணாவின் பெற்றோருக்கு போன் செய்து பணம் தராமல் இருந்தால் பூர்ணாவின் கேரியரை நாசம் செய்துவிடுவோம் என மிரட்டியுள்ளது.

நடிகை பூர்ணா மிரட்டப்பட்ட வழக்கில் கைதானவர்கள்

இதுகுறித்து பூர்ணாவின் பெற்றோர் அளித்த புகாரின்பேரில் மரட் போலீஸார் வழக்குப்பதிவு செய்து நான்கு பேரைக் கைது செய்தனர். அந்த நான்கு பேரின் புகைப்படங்கள் மீடியாக்களில் வெளியானதைப் பார்த்த ஆலப்புழாவைச் சேர்ந்த மாடலிங் நடிகை ஒருவர் இவர்கள் தங்கம் கடத்தும் கும்பலைச் சேர்ந்தவர்கள் என்றும் கடந்த சில மாதங்களுக்கு முன்பு என்னை அழைத்து தங்கம் கடத்தலில் எஸ்கார்டாகச் செல்லும்படி சொன்னார்கள். நான் சம்மதிக்காததால் என்னைத் தனி அறையில் அடைத்துவைத்து டார்ச்சர் செய்தனர் எனவும் கூறினார்.

Also Read: `பெண் பார்க்க வீட்டுக்கு வந்தார்கள்!’ – மிரட்டல் கும்பல் அதிர்ச்சி; மீளாத நடிகை பூர்ணா

இதையடுத்து அந்தக் கும்பலிடம் காவல்துறையினர் விசாரணை நடத்தினர். அதில் பூர்ணாவின் மொபைல் எண்ணை பிளாக் மெயில் கும்பலுக்குக் கொடுத்தது சினிமா மேக்கப் ஆர்ட்டிஸ்ட் ஹாரிஸ் எனத் தெரியவந்தது. இந்த வழக்கில் நடிகர் தர்மஜனிடமும் போலீஸார் விசாரணை நடத்தினர்.

விசாரணைக்கு ஆஜராகிவிட்டு வெளியே வந்த நடிகர் தர்மஜன் கூறுகையில், “லாக்டெளன் சமயத்தில் நான் வீட்டில் இருந்தபோது அஸ்கர் அலி என்பவர் எனக்கு போன் செய்தார். நடிகை பூர்ணா மற்றும் நடிகை மியாவின் மொபைல் எண்கள் வேண்டும் எனவும், ரூ.14 கோடி மதிப்புள்ள தங்கம், மற்றும் கரன்சிகளை கடத்த எஸ்கார்டாக நடிகைகளின் நம்பரை கேட்பதாகவும் அவர் கூறினார். முதலில் அவர் காமெடி செய்கிறார் என நினைத்தேன். தொடர்ந்து அவர் அழைத்ததால் நான் போலீஸில் புகார் அளித்தேன். அதன்பிறகு அவர்கள் அழைக்கவில்லை. இதுபற்றி நடிகை பூர்ணாவிடம் நான் கூறவில்லை. எனக்கும் அந்தக் கும்பலுக்கும் சம்பந்தம் இல்லை” என்றார்.

நடிகை பூர்ணா

இதுகுறித்து கொச்சி போலீஸார் கூறுகையில், “பூர்ணாவின் பெற்றோருக்குத் திருமணம் சம்பந்தமாக பேசுவதற்காக இந்தக் கும்பலை அறிமுகப்படுத்தியது மேக்கப் ஆர்டிஸ்ட் ஹாரிஸ் எனத் தெரியவந்துள்ளது. எனவே, அவர் கைது செய்யப்பட்டுள்ளார். நடிகை பூர்ணா மிரட்டப்பட்ட வழக்கில் இதுவரை 8 பேர் கைது செய்யப்பட்டுள்ளனர். மேலும் 3 பேரைத் தேடி வருகிறோம். இந்தத் திட்டத்துக்கு மூளையாகச் செயல்பட்ட ஒருவர் துபாயில் இருந்து கேரளா வந்துள்ளார். அவர் கொரோனா தொற்று காரணமாக சிகிச்சையில் உள்ளார். இந்தக் கும்பல் மீது பூர்ணா புகார் அளித்த பிறகு மேலும் 7 புகார்கள் வந்துள்ளன. முப்பதுக்கும் அதிகமான பெண்களை இவர்கள் ஏமாற்றியுள்ளது தெரியவந்துள்ளது” என்றனர்.

Must Read

சச்சின் பைலட் பாஜகவில் இணையவில்லை: தனிக்கட்சி ஆரம்பிக்கிறாரா?

ராஜஸ்தான் முதல்வருக்கு எதிராக போர்க்கொடி தூக்கியுள்ள சச்சின் பைலட் பாஜகவில் இணையவில்லை என அவருக்கு நெருக்கமான வட்டாரத் தகவல்கள் தெரிவித்துள்ளன

லன்டன் தோட்டங்களில் இருந்து கொரோனா தொற்றாளர்கள் தப்பி ஓட்டம்: மரக்கறிகளில் கொரோனாவா ?

  ஹாட்பட்ஷியர் என்று சொல்லப்படும் பெரும், மாநகரில் உள்ள காய்கறிப் பண்ணையில், 27 பேர் கொரோனாவால் பாதிக்கப்பட்டுள்ளார்கள். இவர்களில் 4 பேர் தப்பியோடியுள்ளதாக அறியப்படுகிறது. வட்பேட், உள்ளடங்கலாக பல நகரங்களை உள்ளடக்கிய மாநிலமே ஹாட்பட்ஷியர்...

Swapna-வை சுற்றும் மர்மங்கள்… பறிபோகும் Pinarayi Vijayan பதவி?| Kerala Gold Smuggling

01:15 gold smuggling scandal2:52 CM removes his principal secretary04:13 Who is Swapna?06:05 Questioning Pinarai Vijayan10:50 Swapna Audio?

கடந்த 10 ஆண்டுகளில் தமிழ்த் தேசியக் கூட்டமைப்பு எங்கே தவறிழைத்தது? (Video)

தமிழ்த் தேசிய அரசியலில் கடந்த 10 ஆண்டுகளில் தமிழ்த் தேசியக் கூட்டமைப்பு எங்கே தவறிழைத்தது? என்பது தொடர்பில் விளக்குகிறார் அரசியல் ஆய்வாளர் யோதிலிங்கம். The post கடந்த 10 ஆண்டுகளில் தமிழ்த் தேசியக் கூட்டமைப்பு...

`MASTER பிரமாண்டமா இருக்கு!’ – Review by Vijay Sethupathi | Lokesh Kanagraj | Anirudh

04:45 Master Trailer 05:43 Cinema Experience 08:40 Telugu Villain11:24 Allu Arjun Pushpa12:39 Muttiah Muralitharan Biopic13:34 Body Language15:28 Rajini & Chiranjeevi 17:50 Vimal Friendship19:15 Being...