முகப்பு செய்திகள் இந்திய செய்திகள் பள்ளி, கல்லூரிகளில் கல்விக் கட்டணம் கேட்க கூடாது: தமிழக அரசு எச்சரிக்கை

பள்ளி, கல்லூரிகளில் கல்விக் கட்டணம் கேட்க கூடாது: தமிழக அரசு எச்சரிக்கை

சென்னை: தமிழகத்தில் தனியார் பள்ளி, கல்லூரிகள் கல்விக் கட்டணத்தை கேட்டு நிர்பந்திக்க கூடாது என எச்சரிக்கை விடுத்துள்ளது.

தமிழகத்தில் சுமார் 12,000க்கும் மேற்பட்ட தனியார் பள்ளிகள் செயல்பட்டு வருகின்றன. அதில் சுமார் 60 லட்சத்துக்கும் மேற்பட்ட மாணவர்கள் பயின்று வருகின்றனர். ஊரடங்கு காரணமாக நாடு முழுவதும் உள்ள பள்ளி, கல்லூரி உள்பட கல்வி நிறுவனங்கள் மூடப்பட்டுள்ளன.

அதேசமயம், சில தனியார் பள்ளிகளில் ஆன்லைன் மூலம் வகுப்புகள் எடுக்கப்பட்டு வருகின்றன. இதனிடையே, தமிழகத்தில் உள்ள சில பள்ளி நிர்வாகங்கள் கடைசி பருவத்துக்கான கட்டணம் உள்ளிட்ட நிலுவையில் இருக்கும் கட்டணத்தை செலுத்துமாறும், வருகிற 2020-21ஆம் கல்வியாண்டுக்கான கட்டணத்தை செலுத்துமாறும் நிர்பந்தித்து வருவதாக புகார் எழுந்துள்ளன.

ஊரடங்கு அமலில் இருப்பதால் மாத ஊதியம் கிடைக்காமல் அத்தியாவசிய தேவைகளை பூர்த்தி செய்யவே கஷ்டமாக இருக்கும் நிலையில், கல்வி கட்டணத்தை கேட்டு நிர்பந்தித்தால் என்ன செய்வது என பெற்றோர்கள் வேதனை தெரிவித்து வருகின்றனர். இதுதொடர்பாக புகார்களும் அரசுக்கு அனுப்பப்பட்டுள்ளன.

தமிழகத்தை பொறுத்தவரை கல்வி கட்டணத்தை கேட்டு வற்புறுத்த கூடாது எனவும், கட்டண சலுகை வழங்கலாம் எனவும் ஏற்கனவே தமிழக அரசு அறிவுறுத்தியிருந்தது. எனினும், தனியார் பள்ளி, கல்லூரிகள் இதனை பொருட்படுத்தாமல் வசூலிப்பட்தில் கண்டிப்பு காட்டி வருகின்றன.

இந்நிலையில், தமிழகத்தில் தனியார் பள்ளி, கல்லூரிகள் கல்விக் கட்டணத்தை கேட்டு நிர்பந்திக்க கூடாது என தமிழக அரசு எச்சரிக்கை விடுத்துள்ளது. இதுகுறித்து வெளியிடப்பட்டுள்ள அறிவிப்பில், “சில பள்ளிகள் மற்றும் கல்லூரிகள், கல்வி கட்டணம் செலுத்தும்படி மாணவர்களை வற்புறுத்தி வருதாக புகார்கள் வந்துள்ளன. மாணவர்கள் அல்லது பெற்றோர்களிடம் நடப்பு கல்வியாண்டு, வருகிற 2020-21ஆம் கல்வி ஆண்டுக்கான கட்டணம் செலுத்த வேண்டுமென கட்டாயப்படுத்தக் கூடாது. தாமதமாக செலுதப்படும் கட்டணத்துக்கு அபராதம் எதுவும் விதிக்கக்கூடாது. மீறினால் கடும் நடவடிக்கை எடுக்கப்படும்” என தெரிவிக்கப்பட்டுள்ளது.

Must Read

உணவகங்களில் ஏ.சி.யை இயக்கலாமா? – மத்திய அரசு சொல்வது இதுதான்!!

பொதுமுடக்கத்தின் காரணமாக, நாடு முழுவதும் இரண்டு மாதங்களுக்கு மேலாக மூடப்பட்டிருந்த உணவகங்களை ஜூன் 8 ஆம் தேதி முதல் மீண்டும் திறக்கலாம் என்று மத்திய உள்துறை அமைச்சகம் கடந்த சனிக்கிழமை (மே 30)...

கர்ப்பிணி யானை செத்தது எப்படி? இறுதி அறிக்கை வெளியீடு!

கேரளா பாலக்காடு மாவட்டத்தில் அண்ணாச்சிப் பழத்தில் வெடிமருந்து வைத்து கொலை செய்யப்பட்ட யானை எதனால் உயிரிழந்தது என சமூக வலைதளங்களில் பரவி வந்த வதந்திகளுக்கு முற்றுப்புள்ளி வைக்கும் விதத்தில் கேரள அரசு அறிக்கை...

இறுதி ஊர்வலத்தில் பங்கேற்ற 39 பேருக்கு கொரோனா!!

சென்னையில் உடல்நலம் குறைவால் அண்மையில் ஒருவர் உயிரிழந்தார். அவரது உடல், சொந்த ஊரான தூத்துக்குடி மாவட்டம், தென்திருப்பேரைக்கு கொண்டு வரப்பட்டது. அங்கு அவரின் உடல் நல்லடக்கம் செய்யப்பட்டது. இந்த நிலையில், அந்த நபரின்...

‘இவங்கெல்லாம் இனிமே நாடாளுமன்றத்துக்குள்ள நுழையக் கூடாது’

நாடாளுமன்ற இரு அவைகளின் செயலக அலுவலக பணியாளர்கள் சிலருக்கும் கொரோனா தொற்று உறுதி செய்யப்பட்டுள்ளது. இதையடுத்து, மற்றும் நாடாளுமன்ற அலுவலக பணியாளர்களின் பாதுகாப்பை கருத்தில் கொண்டு மத்திய அரசு சில அதிரடி...

தங்க பிளேட்டினால் ஆன சவப் பெட்டி: கறுப்பர்கள் ஒன்றினைந்து செய்த காரியம் இது

போலியான $20 டாலர் நோட்டு ஒன்றை உணவகத்தில் கொடுத்ததற்காக, அவரை பிடித்த பொலிசார் கழுத்தை நசுக்கியே கொன்றார்கள். கறுப்பு இனத்தவர்கள் என்றால் அமெரிக்கர்கள் தரக் குறைவாக நினைக்கிறார்கள். இதனால் இறந்து போன ஜோர்ஜுக்கு...