முகப்பு செய்திகள் இந்திய செய்திகள் ரொம்ப போர் அடிக்குது; எத்தனை நாள் தான் இப்படி? ஒரே அடியாய் 250 கி.மீ பாய்ந்த...

ரொம்ப போர் அடிக்குது; எத்தனை நாள் தான் இப்படி? ஒரே அடியாய் 250 கி.மீ பாய்ந்த அமைச்சர்!

நாடு முழுவதும் இரண்டாம் கட்டமாக ஊரடங்கு அமலில் இருக்கிறது. எனவே பொதுமக்கள் யாரும் வீட்டை விட்டு வெளியே வர வேண்டாம் என்று அறிவுறுத்தப்பட்டு உள்ளது. இந்நிலையில் சட்டீஸ்கர் மாநில தொழிற்துறை மற்றும் கலால் துறை அமைச்சர் கவாசி லக்மா தனது வீட்டில் இருந்து 250 கி.மீ தூரத்தில் உள்ள ரைகார் நகருக்கு அரசு வாகனத்தில் பயணித்து பரபரப்பை ஏற்படுத்தி உள்ளார். இதுபற்றி அமைச்சர் கவாசி லக்மா முதலில் கூறுகையில், வீட்டிலேயே எத்தனை நாட்கள் தான் அமர்ந்திருப்பது. அதனால் சாமியாரைப் பார்க்கலாம் என்று புறப்பட்டுச் சென்றேன். அதன்பிறகு வீட்டிற்கு திரும்பிவிட்டேன் என்று கிண்டலாக பதிலளித்துள்ளார்.

இவர் ஊரடங்கை மீறி செயல்பட்டதால் வழக்குப்பதிவு செய்ய வேண்டும் என்று எதிர்க்கட்சியான பாஜக வலியுறுத்தியுள்ளது. இதையடுத்து விளக்கம் அளித்த அமைச்சர் கவாசி லக்மா, நான் ஊரடங்கை மீறி செயல்படவில்லை. ரைகாரில் சட்டவிரோதமாக மதுவிற்பனை நடைபெறுவதாக தகவல் கிடைத்தது. இதுபற்றி நேரடியாக ஆய்வு மேற்கொள்ளவே சென்றேன் என்று தெரிவித்தார்.

மேலும் மூடப்பட்டிருந்த ஓட்டலை திறந்து அங்கு தங்கியதாக அமைச்சர் மீது மற்றொரு குற்றச்சாட்டு எழுந்தது. இதுபற்றி கூறுகையில், ஊரடங்கால் அரசு இல்லங்கள் எதுவும் திறக்கப்படவில்லை. ஆகையால் எனது நண்பரிடம் உதவி கேட்டேன். அவர் மூலமாக ஓட்டல் ஒன்றில் தங்க இடம் கிடைத்தது. அங்கு எந்தவொரு கூட்டத்தையும் கூட்டவில்லை. உள்ளூர் எம்.எல்.ஏ மற்றும் செய்தியாளர் சந்திப்பை மட்டும் நிகழ்த்தினேன் என்று தெரிவித்துள்ளார்.

இதுதொடர்பாக பேசிய எதிர்க்கட்சி தலைவர் தரம்லால் கவுசிக் கூறுகையில், ஊரடங்கால் புலம்பெயர் தொழிலாளர்கள் வெளியேற அனுமதிக்காமல் பல்வேறு இடங்களில் தங்க வைக்கப்பட்டு உள்ளனர். அந்தளவிற்கு கட்டுப்பாடுகள் இருக்கும் நிலையில், அமைச்சர் ஒருவர் வீட்டில் இருந்தால் போர் அடிக்கிறது என்று வேறொரு மாவட்டத்திற்கு பயணிப்பது எந்த வகையில் சரியாக இருக்கும்.

இதனை மாநில அரசும், அமைச்சர்களும் தான் சிந்தித்து பார்க்க வேண்டும் என்று கூறியுள்ளார். இதேபோல் ரைகாரைச் சேர்ந்த பாஜக எம்.பி கோம்தி சாய் கூறுகையில், முகக் கவசம் அணியாமல் அமைச்சர் பயணம் செய்திருக்கிறார். போதிய சரீர இடைவெளியையும் கடைபிடிக்க வில்லை. நீண்ட தூரம் பயணித்தது மட்டுமின்றி பொதுமக்களையும் சந்தித்துள்ளார்.

எனவே தடை உத்தரவை மீறிய அமைச்சர் மற்றும் அவரது கட்சி தொண்டர்கள் மீது வழக்குப்பதிவு செய்ய வேண்டும் என்று வலியுறுத்தியுள்ளார். ஊரடங்கில் சர்ச்சையில் சிக்குவது அமைச்சர் லக்மாவிற்கு இது இரண்டாவது முறையாகும். கடந்த 11ஆம் தேதி தம்தாரிக்கு சென்று தடை உத்தரவை மீறி ரேஷன் பொருட்களை மக்களுக்கு விநியோகம் செய்துள்ளார். அப்போது அங்கு ஏராளமான மக்கள் கூடியது குறிப்பிடத்தக்கது.

Must Read

நடு இரவில் பகலை போல வெளிச்சம்- பாரிய விண் கல் வீழ்ந்தது வீடியோவில் பதிவு

நேற்றைய தினம் ஆர்மேனிய நாட்டில் உள்ள, யெறிவான் என்னும் நகரில் இரவில் பகல் போல தோன்றும் அளவு பெரிய வெளிச்சம் ஒன்று தோன்றியது. இதனால் மக்கள் திகைத்துப் போனார்கள்.  ஏதவது ராக்கெட் ஒன்று வெடித்ததா...

“சத்தான வெட்டுக்கிளி பிரியாணி, வெட்டுக்கிளி ஃப்ரை சாப்பிட வாங்க”

வெட்டுக்கிளிகளின் தாக்குதலைச் சமாளிக்க அரசு பல யோசனைகளை வகுத்து வரும் சூழலில் ராஜஸ்தான் உணவகங்களில் வெட்டுக்கிளியைப் பிடித்து பிரியாணி, ஃப்ரை, கிரேவி உள்ளிட்ட உணவு வகைகளைச் சமைத்து விற்பனை தொடங்கப்பட்டுவிட்டது. ராஜஸ்தான் மாநிலத்தில்...

அரசு விழாவுக்கு வலிய அழைத்து அவமானப்படுத்தப்பட்ட எம்.பி., எம்எல்ஏ!!

மாவட்டம், அஞ்சுகிராமத்தில் குடிசை மாற்று வாரியம் மூலம் 36.24 கோடி ரூபாய் மதிப்பில் கட்டப்பட்ட வீடுகளை தமிழக முதல்வர் எடப்பாடி பழனிச்சாமி தலைமை செயலகத்தில் இருந்தவாறே காணொளிகாட்சி மூலம் வியாழக்கிழமை திறந்து...

கொரோனா : சென்னை அண்ணா நகர்வாசிகளுக்கு ‘பேட் நியூஸ்’

கொரோனா வைரஸ் பரவல் தடுப்பு நடவடிக்கையாக, நாடு முழுவதும் நான்காம்கட்ட பொதுமுடக்கம் அமல்படுத்தப்பட்டுள்ளது. மே 31 ஆம் தேதியுடன் பொதுமுடக்கம் முடிவுக்கு வரவுள்ளது. இருப்பினும், தமிழகத்தில் கொரோனா வைரசின் தாக்கம் குறைந்தபாடில்லை. இன்றைய நிலவரப்படி,...

வெட்டுக்கிளி கதையை முடிக்க ட்ரோன் அட்டாக்!

வெட்டுக்கிளிகளைக் கட்டுப்படுத்த முடியாத நிலைக்கு இந்தியா செல்கிறது என செய்திகள் வெளியாகி வரும் சூழலில் ட்ரோன் மூலம் அவற்றைக் கட்டுப்படுத்த புது முயற்சி முன்னெடுக்கப்பட்டுள்ளது. நாட்டில் முதல் முறையாக வெட்டுக்கிளிகள் படையெடுப்பை ஒழிக்க ராஜஸ்தான்...