முகப்பு செய்திகள் இந்திய செய்திகள் விலகியிரு Vs ஒன்றினைவோம்: ஸ்டாலின் -வேலுமணி: அறிக்கை போர்!

விலகியிரு Vs ஒன்றினைவோம்: ஸ்டாலின் -வேலுமணி: அறிக்கை போர்!

அரசுக்கு எதிராக அவதூறு பரப்பியதாக கோவையைச் சேர்ந்த செய்தி இணையதள நிறுவனர் கைது செய்யப்பட்டதற்கு பல்வேறு எதிர்ப்புகள் கிளம்பிவருகின்றன.

இந்நிலையில் மு.க.ஸ்டாலினும் இந்த விவகாரத்தில் அரசுக்கு தனது எதிர்ப்பை பதிவு செய்தார். மேலும் ஸ்டாலின் தொடர்ச்சியாக முன்வைக்கும் விமர்சனங்களுக்குப் பதிலாக உள்ளாட்சித் துறை அமைச்சர் வேலுமணி அறிக்கை ஒன்றை வெளியிட்டுள்ளார்.

அதில், “கொரோனா தடுப்பு நடவடிக்கையில் எங்கள் கழக அரசுக்கு கிடைத்த மக்கள் ஆதரவை பார்த்து பொசுங்கிப் போன பொறாமை பிடித்த எதிர்கட்சி தலைவர் திரு ஸ்டாலின் என்ன செய்வதென்று தெரியாமல் வாய்க்கு வந்ததை பேசுவதையும் கண்டதையும், காணாததையும் நினைத்து வெற்று அறிக்கை வெளியிடுவதை காலை கடமை போல வாடிக்கையாக வைத்திருக்கிறார். இந்த காலகட்டத்தில் தமிழகம் முழுவதும் உள்ளாட்சித் துறை மூலம் எவ்வளவு பணிகள் நடக்கின்றன, சேவைகள் போன்றவற்றை ஆய்வு கூட்டங்கள் நடத்தி உரிய அதிகாரிகளுக்கு உத்தரவு பிறப்பித்து கண்காணித்து வருகிறேன்” என தான் செய்யும் பணிகள் குறித்து அமைச்சர் குறிப்பிட்டுள்ளார்.

மேலும் கைதான செய்தி இணையதள நிறுவனர் குறித்தும், அந்த இணையதளம் குறித்தும் தனக்கு தெரியாது என்றும், அரசு ஊழியர் அளித்த புகாரின் அடிப்படையிலேயே அவர் கைது செய்யப்பட்டுள்ளார் என்றும் அமைச்சர் தெரிவித்துள்ளார்.

“இரவும் பகலும் பணியாற்றும் அரசு எது, சிறந்த முதல்வர், அமைச்சர்கள் யார் என்றும் பேரிடர் சமயத்தில் ஒட்டுமொத்த உலகமே ‘விலகியிரு’ என்று விழிப்புணர்வு செய்து கொண்டிருக்கும் போது, ‘ஒன்றிணைவோம் வா’ என்கிற தன்னுடைய வெற்று விளம்பரத்தின் படப்பிடிப்பு காட்சிகளுக்காக தொகுதியில் நிவாரணம் தருவது போல நடித்துக்கொண்டிருந்தது யார் என்றும் மக்களுக்கு நன்றாகவே தெரியும்” என்று அமைச்சர் காட்டாமாக கூறியுள்ளார்.

Must Read

நாளை ராமர் கோவில் பூமி பூஜை – பிரதமர் மோடி பயணத்தின் முழு விவரம்!

முதலில் ஹனுமன் கார்ஹியில் மரியாதை செலுத்தும் பிரதமர் மோடி பின்னர் அயோத்தியில் நடைபெறும் ராமர் கோவில் பூமி பூஜையில் பங்கேற்கிறார்.

கணவன் கண் முன்னே கூட்டு பாலியல், ஆதரவு அளித்த போலீஸ்!

பாலியல் குற்றவாளிகளுக்கு போலீஸ் ஆதரவு அளித்து புகாரைப் பெற மறுத்து வந்த நிலையில், மலைவாழ் மக்கள் கூட்டாக முன்னெடுத்த போராட்டம் குற்றத்தை வெளிச்சத்திற்குக் கொண்டு வந்துள்ளது...

“உடம்பெல்லாம் வலிக்குதுப்பான்னு அவன் அழறப்போ பயமா இருக்கும்”-  கண்ணீரில் மிதக்கும் சென்னை குடும்பம்!

மருந்தில்லா நோயும் வறுமையும் ஒரு வீட்டுக்குள் அடியெடுத்து வைத்தால்..? பூந்தமல்லியை அடுத்த செந்நீர் குப்பத்தைச் சேர்ந்த ரவீந்திரன் குடும்பம்போலதான் இருக்கும். எதிர் எதிரே இரண்டு பைக்குகள் வந்துவிட்டால், ஒரு வண்டி நின்றுதான் போக...

ஆபாசம், அச்சுறுத்தல், கொலை மிரட்டல்… பெண் ஊடகவியலாளர்களை குறிவைக்கும் கும்பல்!

தமிழ்நாட்டில் ஊடகத்தினர் மீதான தாக்குதலில் `சீஸன் டூ' ஆரம்பித்திருக்கிறது. ஊடகத் துறையில் இயங்கிவரும் ஊடகவியலாளர்களைக் குறிவைத்து சமீபகாலமாக அவதூறு செய்திகள் பரப்பப்பட்டு வருகின்றன. சமூக ஊடகங்களில் இதுதொடர்பான குற்றச்சாட்டுகள், விவாதங்கள் என இரு...

TikTok-ஐ வாங்க மைக்ரோசாப்ட் பேச்சுவார்த்தை… வாங்கினால் இந்தியாவில் என்ன செய்யலாம்? #VikatanPoll

பாதுகாப்பு காரணங்களுக்காக இந்தியாவைப் போலவே டிக்டாக் app-ஐ தடைசெய்யவிருப்பதாக அமெரிக்க அதிபர் டொனால்டு ட்ரம்ப் அறிவித்துள்ளார். அதே சமயம், அமெரிக்க நிறுவனமான மைக்ரோசாப்ட், டிக்டாக் app-ஐ சீனாவின் பைட் டான்ஸ் நிறுவனத்திடமிருந்து வாங்கப்...