முகப்பு செய்திகள் இந்திய செய்திகள் வெறும் 5 நாட்கள் தான்; இப்படியொரு மோசமான நிலைக்கு போன குஜராத்!

வெறும் 5 நாட்கள் தான்; இப்படியொரு மோசமான நிலைக்கு போன குஜராத்!

இந்தியாவின் மேற்கு மாநிலங்களான மகாராஷ்டிரா மற்றும் குஜராத்தை கோவிட்-19 ஆட்டிப் படைத்து வருகிறது. நேற்றைய தினம் நாடு முழுவதும் 1,273 பேர் புதிதாக வைரஸ் பாதிப்பிற்கு ஆளாகினர். இதில் 52 சதவீதத்திற்கும் மேல் மேற்கூறிய இரு மாநிலங்களிலும் பாதிப்பு இருப்பது குறிப்பிடத்தக்கது. இதேபோல் நேற்று உயிரிழந்த 39 பேரில் 79 சதவீதத்தை மகாராஷ்டிரா(18), குஜராத்(13) மாநிலங்கள் பெற்றுள்ளன. குஜராத் மாநிலத்தில் கடந்த 24 மணி நேரத்தில் புதிதாக 229 பேருக்கு கோவிட்-19 பாதிப்பு உறுதி செய்யப்பட்டுள்ளது.

இதன்மூலம் மகாராஷ்டிராவிற்கு(431) அடுத்தப்படியாக குஜராத் மாநிலம் நாட்டிலேயே 2வது இடத்தைப் பிடித்துள்ளது. கடந்த 5 நாட்களுக்கு முன்பு குஜராத் மாநிலம் 6வது இடத்தில் இருந்தது. முதல் 5 இடங்களில் மகாராஷ்டிரா, டெல்லி, ராஜஸ்தான், தமிழ்நாடு, மத்தியப் பிரதேச மாநிலங்கள் இருந்தன.

இந்தியாவில் மொத்த பாதிப்பு 21,355 பேரில் மகாராஷ்டிரா, குஜராத், டெல்லி ஆகிய மாநிலங்கள் 48 சதவீதத்தைப் பெற்றுள்ளன. அதேசமயம் நம்பிக்கையூட்டும் விஷயமும் நடந்துள்ளது. அதாவது நாடு முழுவதும் பாதிக்கப்பட்டவர்களில் 16 சதவீதம் பேர் குணமடைந்துள்ளனர்.

அதிகபட்சமாக டெல்லியில் 724 பேரும், தமிழ்நாடு(662), ராஜஸ்தான்(344), கேரளா(308) என்ற எண்ணிக்கையிலும் குணமாகி இருக்கின்றனர். புதிதாக 431 பேருக்கு பாதிப்பு ஏற்பட்டதன் மூலம் மகாராஷ்டிராவில் மொத்த பாதிப்பு 5,649ஆக அதிகரித்துள்ளது. இங்கு பலி எண்ணிக்கை 269அக உயர்ந்துள்ளது.

மும்பையில் மட்டும் 161 பேர் பலியாகி இருக்கின்றனர். கடந்த 24 மணி நேரத்தில் இங்கு 10 பேர் உயிரிழந்துள்ளனர். மகாராஷ்டிராவில் உயிரிழப்பு விகிதம் 4.76 சதவீதமாகவும், மும்பையில் 4.37 சதவீதமாகவும் உள்ளது. அதேசமயம் கடந்த செவ்வாய் கிழமையை ஒப்பிடுகையில் நேற்று 22 சதவீதம் பாதிப்பு சரிந்துள்ளது.

மும்பையில் 45 சதவீதம் பாதிப்பு குறைந்துள்ளது. கோவிட்-19 பாதிப்பால் உயிரிழந்தவர்களால் பலியானவர் எண்ணிக்கையில் மகாராஷ்டிராவை தொடர்ந்து குஜராத்(103) இரண்டாம் இடத்தில் உள்ளது.

புதிதாக உயிரிழந்த 13 பேரில் அகமதாபாத்தில் 9 பேரும், வதோதராவில் 3 பேரும், வல்சாத்தில் ஒருவரும் அடங்குவர். குஜராத் மாநிலத்தில் குணமடையும் நபர்களின் விகிதம் 7.4 சதவீதமாக இருக்கிறது.

Must Read

யாழ் விடத்தற்பளை முகாமில் 51 கடற்படையினருக்கு கொரோனா: யாழ் மக்கள் அச்சம்

யாழ். கொடிகாமம் விடத்தற்பளை முகாமில் தனிமைப் படுத்தப்பட்ட 51 பேருக்கு கொரோனா தொற்று உறுதிப்படுத்தப்பட்டுள்ளது. குறித்த 51 பேரும் கடற்படை சிப்பாய்கள் எனவும் தெரிவிக்கப்பட்டுள்ளது. விடத்தற்பளை தனிமைப்படுத்தல் முகாமில் 260 கடற்படை சிப்பாய்கள்...

உள்பக்கமாக பூட்டி பதுங்கிய அமெரிக்க பொலிசார்: வெடித்தது பெரும் கலவரம்

கடந்த 2 தினங்களுக்கு முன்னர் வெளியாகிய வீடியோ, இன்று அமெரிக்காவில் பெரும் கலவரத்தை உண்டாகியுள்ளது. கறுப்பின நபர் ஒருவரை வெள்ளையின பொலிசார் கைது என்ற போர்வையில் காலல் நசுக்கி கொலை செய்து இருந்த...

டாஸ்மாக் கடைகள் மூடப்பட்டால் திமுகவினரின் மதுபான ஆலைகளும் மூடப்படும்: டி.கே.எஸ். சாமர்த்திய பதில்!!

எம்.பி.யான டி.ஆர்.பாலு தலைமையில் அக்கட்சியின் எம்.பி.க்கள் குழு, தமிழக தலைமைச் செயலாளரை சமீபத்தில் சந்தித்தனர். திமுக சார்பில் தொடங்கப்பட்டுள்ள "ஒன்றிணைவோம் வா" திட்டத்தின்கீழ் பொதுமக்களிடம் இருந்து பெறப்பட்ட சுமார் ஒரு லட்சம்...

ப்ளஸ்2 மாணவர்களுக்கு போனஸ் மார்க், தேர்வுத்துறை உத்தரவு!

தமிழ்நாட்டில், பன்னிரெண்டாம் வகுப்பு பொதுத் தேர்வு வினாத்தாளில் ஏற்பட்ட ஒரு பிழைக் காரணமாகக் குறிப்பிட்ட மாணவர்களுக்கு போனஸ் மதிப்பெண் வழங்க தேர்வுத்துறை உத்தரவிட்டுள்ளது. பன்னிரெண்டாம் பொதுத் தேர்வு கடந்த மார்ச் மாதம் 2ஆம்...

திருப்பதி கோயில் சொத்துகள் விற்பனைக்கு அல்ல – தேவஸ்தான நிர்வாகம் முடிவு

திருப்பதி கோயிலுக்கு பக்தர்கள் நன்கொடையாக அளித்த 50 சொத்துக்களை விற்பனை செய்ய தேவஸ்தான நிர்வாகம் முடிவு செய்திருந்தது. தேவஸ்தான நிர்வாகத்தின் இந்த முடிவிற்கு பல்வேறு தரப்புகளிலும் இருந்து கடும் கண்டனங்கள் எழுந்தன. இதையடுத்து...