முகப்பு செய்திகள் இந்திய செய்திகள் LIVE: கொரோனா: தமிழகத்தில் கொரோனா வார்டில் இருந்தவர் மரணம்..! அடுத்தடுத்து திகில்

LIVE: கொரோனா: தமிழகத்தில் கொரோனா வார்டில் இருந்தவர் மரணம்..! அடுத்தடுத்து திகில்

அச்சுறுத்தல் வல்லரசுகளையே ஆட்டம் காண வைத்துள்ளது. தினமும் ஆயிரக்கணக்கில் மக்கள் உயிரிழக்கும் தகவல்கள் வந்துகொண்டே இருக்கின்றன. கொரோனா வைரஸால் இதுவரை 21,200 பேர் பலியாகியுள்ளனர்.

இந்தியாவில் 649 பேர் பாதிக்கப்பட்டுள்ள நிலையில் 13 பேர் பலியாகியுள்ளனர். தமிழ்நாட்டில் கொரோனாவால் பாதிக்கப்பட்டவர்களின் எண்ணிக்கை 26ஆக அதிகரித்துள்ளது. ஒருவர் உயிரிழந்துள்ளார்.

LIVE UPDATE:* கன்னியாகுமரி அரசு மருத்துவ கல்லூரி மருத்துவமனையில் கொரோனா வார்டில் அனுமதிக்கப்பட்டு இருந்த 40 என்பவர் இன்று மரணம் அடைந்தார். இவரது சளி மற்றும் ரத்த மாதிரிகள் நெல்லை அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டுள்ளது.

* கொரோனா தொற்றின் தீவிரத்தை உணர்ந்தும், சமுதாய பொறுப்புணர்ந்தும் நம் தமிழக மக்கள் சமூக இடைவெளியை கடைபிடிப்பது வரவேற்கத்தக்கது – முதல்வர்

* ஏப்ரல் மாதம் 2ம் தேதி முதல் அனைத்து குடும்ப அட்டை தாரர்களுக்கும் ரூ.1000 வழங்கப்படும் – முதல்வர் அறிவிப்பையடுத்து கூட்டுறவுத்துறை முடிவு. ரேஷன் கடை ஊழியர்களுக்கு தேவையான மாஸ்க், கிருமிநாசினிகளை வழங்க வேண்டும் என அறிவுறுத்தியுள்ளது.

* சென்னை சைதாப்பேட்டையில் 2 பேருக்கு கொரோனா உறுதி செய்யப்பட்டுள்ளது என சுகாதார துறை அறிவித்துள்ளது. இதனால் 27 ஆக இருந்த எண்ணிக்கை தற்போது 29 ஆக அதிகரித்துள்ளது.

* சென்னையில் மேலும் 2 பேருக்கு கொரோனா தொற்று உறுதி செய்யப்பட்டுள்ளது. இதனால் பாதிக்கப்பட்டவர்களின் எண்ணிக்கை 29 ஆக உயர்வு

* துபாயில் இருந்து திருச்சி வந்த நபருக்கு கொரோனா உறுதி செய்யப்பட்டுள்ளது. இதுவரை 26 ஆக இருந்த பாதிக்கப்ப்பட்டவர்களின் எண்ணிக்கை, தற்போது 27 ஆக உயர்ந்துள்ளது.

* கோழி, மீன்,முட்டை, இறைச்சி நுகர்வுக்கு சிக்கல் இருந்தால் காவல்துறை உதவியை நாடலாம்.
044-28447701, 044-28447703 ஆகிய எண்களில் 24 மணி நேரமும் தொடர்பு கொள்ளலாம். – தமிழ்நாடு அரசு

* அனைத்து அத்தியாவசிய சேவைகளும் தடையின்றி கிடைத்திட மூத்த இந்திய ஆட்சிப் பணி அதிகாரிகளைக் கொண்ட 9 குழுக்கள் ஏற்படுத்தப்பட்டு அவர்கள் தலைமையில் இப்பணிகள் தீவிரமாக கண்காணிக்கப்படும்.

* உணவகங்கள், மளிகைக் கடைகள் ஆகியவற்றில் பொருட்கள் நேரவரம்பு ஏதுமின்றி நாள் முழுவதும் இயங்க அனுமதிக்கப்பட்டுள்ளது. இதற்கான நேர வரம்பு ஏதும் குறைக்கப்படவில்லை.

* கொரோனா நோயாளிகளின் குடும்பத்தினர் எக்காரணம் கொண்டும் வீடுகளை விட்டு வெளியே வரக்கூடாது – தமிழ்நாடு அரசு

* மருத்துவ வசதிக்காக கர்ப்பிணிகள், டயாலிசிஸ் சிகிச்சை பெறுவோர் 108 ஆம்புலன்ஸ் மூலம் மருத்துவமனைகளுக்கு அழைத்து செல்லப்படுவார்கள் என தெரிவிக்கப்பட்டுள்ளது.

* அமேசான், பிளிப்கார்ட் உள்ளிட்ட நிறுவனங்கள் மளிகை பொருட்களை டெலிவரி செய்ய தடை இல்லை எனவும் சமைக்கப்பட்ட உணவுகளை டெலிவரி செய்யும் ஸ்விகி,சொமோட்டோவுக்கான தடை தொடரும் என தமிழக அரசு தெரிவித்துள்ளது.

* காய்கறி கடைகள் காலை 6 மணி காலை 9 மணி வரை மட்டும் செயல்படலாம். மளிகை கடைகள் காலை 9 மணி முதல் 12 மணி வரை செயல்படும். தனியார் வங்கிகள், சிறிய நிதி, நிறுவனங்கள், சுய உதவிக்குழுக்கள், தினசரி, வார, மாத வட்டி வசூலை நிறுத்த வேண்டும்.

* அத்தியாவசிய கடைகளிலும் குறிப்பிட்ட நேரத்திற்கு மட்டுமே விற்பனை செய்யலாம். உணவகங்கள் மதியம் 12 மணி முதல் மாலை 2.30 மணி வரை மட்டும் செயல்படலாம்.

* தமிழகத்தில் காய்கறி கடைகள் காலை 6 மணி முதல் காலை 9 மணி வரை மட்டுமே இயங்க வேண்டும். காலை 9 மணி முதல் மதியம் 12 மணி வரை மளிகை கடைகள் இயங்கலாம் – முதல்வர் பழனிசாமி

* * தமிழகத்தில் 144 தடை உத்தரவை மீறி செயல்பட்ட 1252 நபர்கள் மீது வழக்கு பதிவாகியுள்ளது. கொரோனா குறித்து பொய் வதந்தியை பரப்பிய குற்றத்திற்கு 16 நபர்கள் மீது வழக்கு பதிவாகியுள்ளது.

*இந்தியா முழுவதும் ஊரடங்கு உத்தரவு அமலில் இருந்தாலும் பெட்ரோல் நிலையங்கள் செயல்பட்டு வருகின்றன. இந்நிலையில் பெட்ரோலிய விற்பனையாளர்கள் சங்கத் தலைவர் முரளி முதல்வர் எடப்பாடி பழனிசாமிக்கு கோரிக்கை வைத்துள்ளார். அதன்படி காலை 9 மணி முதல் மதியம் 2 மணி வரை ஒரு நாளுக்கு ஐந்து மணி நேரம் மட்டும் பெட்ரோல் விற்க அனுமதி அளிக்க வேண்டும் என்று கேட்டுக்கொண்டுள்ளார்.

*தமிழ்நாடு முழுவதும் ஊரடங்கு உத்தரவை மதிக்காமல் வெளியே சுற்றித் திரிந்தவர்கள் மீது 1100 வழக்குகள் பதிவு செய்யப்பட்டுள்ளன.

*தமிழ்நாட்டில் ஆவின் பால் தட்டுப்பாடின்றி அனைத்து பாலகங்களிலும் கிடைக்கும் என ஆவின் நிர்வாகம் தெரிவித்துள்ளது.

*மகராஷ்டிராவில் இருந்து வந்த திராட்சை லாரிகளில் திருவண்ணாமலையைச் சேர்ந்த 30 பேர் வந்த நிலையில் அவர்களிடம் கொரோனா சோதனை நடத்தப்பட்டது.

*கோயம்பேடு காய்கறி சந்தை நாளை, நாளை மறுநாள் இரு தினங்கள் விடுமுறை என வியாபாரிகள் சங்கம் அறிவித்திருந்தது. இந்நிலையில் நாளை சந்தை இயங்கும் என அறிவிக்கப்பட்டுள்ளது.

*தமிழ்நாடு முழுவதும் அதிகாலை 3.30 மணி முதல் காலை 9 மணி வரை மட்டுமே பால் விற்பனை செய்யப்படும் என தமிழ்நாடு பால் முகவர்கள் தொழிலாளர்கள் சங்கம் அறிவித்துள்ளது.

*சீர்காழியில் இருந்து கேரளாவுக்கு விவசாயக் கூலி வேலைக்காக இரு மாதங்களுக்கு முன் சென்ற 50 தொழிலாளர்கள் சிக்கித்தவிப்பு. தமிழக கேரள எல்லைகள் மூடப்பட்டுள்ளதால் ஊர் திரும்ப முடியாமல் தவித்து வருகின்றனர்.

*சென்னையில் நாளிதழ், பால், அத்தியாவசியப் பொருள்கள் டோர் டெலிவரி செய்யப்பட தடையில்லை என மாநகராட்சி ஆணையர் பிரகாஷ் தெரிவித்துள்ளார்.

*50 வயதுக்கு மேல் உள்ள போலீஸார்களை ஓய்வு எடுக்க கிழக்கு மண்டல காவல் இணை ஆணையர் அறிவுறுத்தியுள்ளார். நீரிழிவு நோய் உட்ப்ட எந்த நோயால் பாதிக்கப்பட்டிருந்தாலும் ஓய்வு வழங்கவும், குறைவான எண்ணிக்கையில் காவலர்கள் பணியாற்றவும் கேட்டுக்கொள்ளப்பட்டுள்ளது.

*சென்னையில் கிருமிநாசினி தெளிக்கும் பணிகள் அண்ணா பல்கலைக்கழகம் வடிவமைத்த ட்ரோன்கள் மூலம் நடைபெற்று வருகின்றன. ஐந்து ட்ரோன்கள் மூலம் பணிகள் நடைபெற்று வரும் நிலையில் 20 ட்ரோன்களை 2 நாள்களுக்குள் வடிவமைக்க தமிழ்நாடு அரசு உத்தரவிட்டுள்ளது.

*கன்னியாகுமரியில் கொரோனா சிறப்பு வார்டில் சிகிச்சை பெற்றுவந்த ஒருவர் உயிரிழந்துள்ளார். 40 வயதான அவரது ரத்த மாதிரி நெல்லைக்கு அனுப்பி வைக்கப்பட்டுள்ளது. அந்த முடிவு வெளியான பின்னரே அவரது இறப்பிற்கான காரணம் அதிகாரபூர்வமாக வெளியாகும்.

*கோடிமுனையைச் சேர்ந்த அந்த நபர் குவைத்தில் பணியாற்றிவிட்டு மார்ச் 3ஆம் தேதி வீடு திரும்பினார். கொரோனா அறிகுறிகளுடன் நேற்று அவர் தனி வார்டில் அனுமதிக்க்கப்பட்டார். அவருக்கு ஏற்கெனவே கல்லீரல் பாதிப்பு, மூளை காய்ச்சல் ஆகியவை இருந்துள்ளது.

*ஊரடங்கு உத்தரவு அமலில் உள்ளவரை மாட்டுதாவணி சந்தை அதிகாலை 3 மணியிலிருந்து காலை 7 மணி வரை மட்டுமே செயல்படும் என வியாபாரிகள் சங்கம் அறிவித்துள்ளது.

*மார்ச் 31ஆம் தேதி வரை பெரம்பூர் ரயில் பெட்டி தயாரிக்கும் பணி மனை, கோல்டன் ராக் பணிமனை உள்ளிட்ட மூன்று பணிமனைகள் மூட தென்னக ரயில்வே உத்தரவிட்டுள்ளது. ஊழியர்கள் வீட்டிலிருந்து ஊரடங்குக்கு ஒத்துழைப்பு அளிக்க வேண்டும் என்றும் அவசரம் என்றால் அழைக்க வேண்டியிருக்கும் என்பதால் தொலைபேசியை செயல்பாட்டில் வைத்திருக்க வேண்டும் என்று கேட்டுக்கொள்ளப்பட்டுள்ளது.

*தமிழ்நாட்டில் புதிதாக மற்றொரு தனியார் கொரோனா ஆய்வு மையத்திற்கு மத்திய அரசு அனுமதி வழங்கியுள்ளது.ஏற்கெனவே இரண்டு தனியார் ஆய்வகங்களுக்கு அனுமதி அளிக்கப்பட்ட நிலையில் சென்னை பாலாஜி நகரில் உள்ள நியௌபெர்க் ஆய்வகத்துக்கு மூன்றாவதாக அனுமதி வழங்கப்பட்டுள்ளது. இந்தத் தகவலை அமைச்சர் விஜயபாஸ்கர் தெரிவித்துள்ளார்.

* தமிழ்நாடு முழுவதும் பல்வேறு மாவடட்ங்களில் 22 ஆயிரத்து 364 பேர் தனிமைப்படுத்தப்பட்டு கண்காணிக்கப்பட்டு வருகின்றனர். சென்னையில் 12 பேரும், ஈரோட்டில் 2 பேரும், சேலத்தில் 5 பேரும், நெல்லை, திருப்பூர், மதுரை ஆகிய இடங்களில் தலா ஒருவரும் தாக்குதலுக்கு உள்ளாகி சிகிச்சை பெற்று வருகின்றனர்.

*டெல்லியிலிருந்து ரயில் மூலம் சென்னை வந்த வட மாநில இளைஞருக்கு கொரோனா தொற்று இருப்ப்து உறுதியானது. தமிழ்நாட்டில் கொரோனா பாதித்த இரண்டாவது நபர் இவர் ஆவார். தற்போது இவர் நன்கு குணமடைந்து வருவதாக அமைச்சர் விஜயபாஸ்கர் தெரிவித்துள்ளார். இரண்டு முறை அவரது ரத்த மாதிரி சோதனை செய்யப்பட்டதில் கொரோனா தொற்று இல்லை என்று வந்துள்ளதாகவும் இரண்டு நாள்களில் அவர் வீடு திரும்பவுள்ளதாகவும் அமைச்சர் தெரிவித்துள்ளார்.

*கொரோனா தடுப்பு நடவடிக்கையாக ஊரடங்கு அமல்படுத்தப்பட்டுள்ள நிலையில் அதை மீறுபவர்கள் மீது கடுமையான நடவடிக்கைகள் எடுக்கப்பட்டு வருகின்றன.

*கத்தார், குவைத் ஆகிய இடங்களிலிருந்து வந்த கன்னியாகுமரியைச் சேர்ந்த இருவருக்கு கொரோனா அறிகுறிகள் உள்ளன. கன்னியாகுமரி மருத்துவமனையில் அனுமதிக்கப்பட்டுள்ள இவர்களது ரத்த மாதிரிகள் நெல்லை கொரோனா சோதனை மையத்திற்கு அனுப்பி வைக்கப்பட்டுள்ளது.

*திருப்பத்தூரில் வெளிநாடுகளிலிருந்து வந்த 90 பேர் தனிமைப்படுத்தப்பட்டு கண்காணிக்கப்படுகின்றனர்.

*அனைத்து மாவட்ட ஆட்சியர்களுடன் முதல்வர் இன்று மீண்டும் ஆலோசனை நடத்தவுள்ளார்.

Must Read

யாழ்.வட்டுக்கோட்டையில் சுகாதாரத்துறை ஊழியர்கள் செய்த தவறால் ஒருவர் அநியாய சாவு; மறைக்கப்பட்ட பின்னணி!

யாழ்.வட்டுக்கோட்டையில் சுகாதாரத்துறை ஊழியர்கள் செய்த தவறால் ஒருவர் அநியாய சாவு; மறைக்கப்பட்ட பின்னணி!  

அமெரிக்காவில் இருந்து பிரத்தியேக மருந்து ஒன்றை அனுப்பினார் ரம்: பொறிஸ் ஜோன்சன் மருத்துவர்

தற்போது தீவிர சிகிச்சைப் பிரிவில், செயற்கை சுவாத்தோடு இருக்கும் பிரதமர் பொறிஸ் ஜோன்சனுக்கு அமெரிக்காவில் இருந்து பிரத்தியேக மருந்து ஒன்று அனுப்பிவைக்கப்பட்டுள்ளது என அதிர்வு இணையம் அறிகிறது. அமெரிக்க அதிபர் டொனால் ரம்...

நிபுணர்களின் கருத்துப்படி ஊரடங்கு நீட்டிக்கப்பட வாய்ப்பு ? – அரசு வட்டாரத் தகவல்

ஏப்ரல் 14 ஆம் தேதிக்குப் பிறகு நீட்டிக்கபட உறுதியான வாய்ப்புகள் இருப்பதாக அரசுத் தரப்புத் வட்டாரங்கள் தெரிவிக்கின்றன. கொரோனா ஒழிப்பு நடவடிக்கையாக எதிர்வரும் ஏப்ரல் மாதம் 14 ஆம் தேதி வரை நாடு...

ஊரடங்கில் பள்ளி மாணவி கர்ப்பம்…! காட்டிக்கொடுத்த தங்கை கொலை…

கொசவம்பட்டியைச் சேர்ந்த சந்திரன் - வத்சலா தம்பதிக்கு ஒரு மகனும் இரண்டு மகள்களும் இருந்தனர். முதல் மகள் கல்லூரியில் முதலாமாண்டு படித்து வந்த நிலையில் இரண்டாவது மகள் அப்பகுதியில் உள்ள...

கொரோனாவுக்கு எம்.எல்.ஏ. தொகுதி மேம்பாட்டு நிதியிலிருந்து ரூ.1 கோடி: முதல்வர் அறிவிப்பு

சென்னை: கொரனா வைரஸ் தடுப்பு நடவடிக்கைகளுக்காக அனைத்து சட்டமன்ற உறுப்பினர்கள் தொகுதி மேம்பாட்டு நிதியிலிருந்து ரூ.1 கோடி பயன்படுத்திக் கொள்ளப்படும் என தமிழக முதல்வர் அறிவித்துள்ளார். கொரோனா வைரஸின் தாக்கம் நாளுக்கு நாள்...